Greinasafn fyrir flokkinn: Greinar og pistlar

113 pistlar SÁÞ eru inn á tru.is og aðgengilegt á slóðinni trú.is. Þá var talsvert af pistlum einnig á sigurdurarni.annall.is Sá vefur er nú lokaður.

Segðu það með blómum Halldóru

IMG_3251Halldóra Kristinsdóttir var mikil hannyrðakona og gaf fólki í Neskirkju sem hafði gaman af hannyrðum vettlinga og blóm. Hún prjónaði rauð blóm handa konunum í Litlakórnum og síðar Hljómi og rauða skartklúta handa körlunum. Við vorum mörg í Neskirkju á föstudag með Halldórublóm á barmi eða klút frá Halldóru í vasa.

Útför hennar var gerð frá Neskirkju föstudaginn 8. febrúar og minningarorðin eru hér á þessum vef og að baki þessari smellu. Eftir útförin tók ég mynd með símanum mínum af blóminu mínu – setti það á hempuna. Þegar ég sé þetta fallega blóm, snerti það léttilega – þá kemur myndin af yndislegri, glaðsinna og umhyggjusamri konu fram í hugann. Blessuð veri minning Halldóru Kristinsdóttur.

Halldóruklútur

Vatn, guðfræði og stækkun trúar

IMG_2949Ævar Kjartansson guðfræðingur og útvarpsmaður er skemmtilegur viðmælandi. Ég fagnaði því þegar hann kallaði mig til sunnudagsfundar á Rúv-rás 1 til að ræða um vatn í guðfræði, kirkju og trúariðkun. Þátturinn er að baki þessari smellu. Og svo hafði Ævar náð sér í bók mína Limits and Life og greinilega lesið. Í sunnudagsspjalli 3. febrúar 2013 ræddum við líka hvernig samtíð og aðstæður breyta trú og túlkun hennar. Ég aðhyllist stækkun trúar!

Hjarta og hugrekki

hjarta2Vilborg Arna Gissurardóttir fór alla leið á pólinn. Hún hefur grunngildi sín á hreinu og skráði þau á heimasíðu sína. Hún skrifaði þau innan á tjaldið sitt líka. Þau blöstu því við henni alla daga og minntu hana á hver hún væri og í krafti hvers: „Með gildi mín: jákvæðni, áræðni og hugrekki ætla ég að ná markmiði mínu.“ Stefnan var því skýr og í samræmi við innri afstöðu. Ofurkuldi, slæm færð, stórviðri, veikindi, svengd og kal brutu ekki niður, heldur urðu fremur verkefni Vilborgar til að vinna með. Lesa áfram Hjarta og hugrekki

Takk fyrir aðferðina – hún bjargaði mér alveg

limitNorrænir guðfræðingar, trúfræðingar og siðfræðingar, þinguðu í Háskóla Íslaands og Neskirkju 10-13. janúar 2013. Um sjötíu manns sóttu fundi og Neskirkja hentaði vel og fangaði hópinn vel. Fjöldi áhugaverðra fyrirlestra voru fluttir og umræður blómstruðu. Mér var falið að flytja setningarfyrirlesturinn í Hátíðarsalnum og er þakklátur fyrir þann heiður. Lesa áfram Takk fyrir aðferðina – hún bjargaði mér alveg