Þessi matur er dásamlegur og hátíðarfiskréttur. Fyrir fjóra:
800 gr. smálúðu- eða rauðsprettu-flök
150 gr ferskir sveppir
1 gulur laukur
1 1/2 msk smjör
1 dós niðursoðnir tómatar
grænmetiskraftur
2 dl þurrt hvítvín
1 dl vatn
1 1/4 tsk salt
2 msk mjúkt smjör
2 tsk. estragon
1 1/2 msk mjúkt smjör
1 dl rjómi
Fínskera sveppina og laukinn. Látið renna af tómötunum.
Bræða smjörið á pönnu. Brúna sveppina og laukinn hægt.
Láta tómatana og grænmetiskraftinn út í ásamt víni og vatni. Sjóða undir loki í ca. 10 mín.
Breiða úr fiskflökunum á bretti og strá salti yfir. Blanda smjöri og estragoni saman og láta eina smjörlíkpu á hvert fiskflak. Rúlla þeim síðan saman eða leggja saman. Festið þau síðan saman með tannstöngli eða ómeðhöndluðum trérprjóni.
Blanda smjöri og rjóma í sósuna.
Leggið fiskinn síðan í sósuna og láta malla í í ca. 10 mín. undir loki, en án þess að sjóði.
Berið fram með hrísgrjónum og salati.
Takk Áslaug Björgvinsdóttir fyrir að miðla okkur þessari uppskrift frá Svíþjóð.